Atrang

غزل

18.10.2010 15:51

غزل

ته ازغي څه کوې خوشبو دې ورکوه ګلابه
داخو ژوندون دی په خندا یې تیروه  ګلابه
چې په کتاب کې ستا دلاس وچ شوی ګل وګورم
ګل مې هیرشي اوته مې زړه کې شې تازه ګلابه
هغه موسم سره بدلیږي نه هم هغسې ده
تشبیه اوس څنګه کړمه تاسره هغه ګلابه
دیاد رڼادې له لمرونو نه بیزاره کړمه
را دې کړه لاس کې راته دارنګه ډیوه ګلابه
تاخو په څوکو دازغیو تیرې کړي شېبې
ولې شې مړاوی، راته وایه، په غرمه ګلابه

طایرځلاند

 

 

ځلاند 20.11.2010 11:46

دانش صیب ګل وسې او له نیکو مشورو دې مننه داشعر چې کوم تا ورته ګوته نیولې په اصلي بڼه داسې دی <br />چې په کتاب کې سادلاس وچ شوی ګل وګورم<br />ګل مې شي هیر او ته مې زړه کې شې تازه ګلابه <br />ریښتیا هم کومه بڼه باندې چې دلته خپور شوی دی یو څه یې رواني ټکنۍ کړې ده <br />مننه

نادر دانش 14.11.2010 13:54

ګرانه ځلانده! ډیر ښکلی غزل دی په ګوتو او قلم دې برکت شه خو زه یو وړاندیز لرم دغزل یو بیت تا داسی لیکلی دی چې <br />چې په کتاب کې ستا دلاس وچ شوی ګل وګورم<br />ګل مې هیرشي اوته مې زړه کې شې تازه ګلابه<br /><br />زه خو وایم که ددې بیت وروستی بند داسی شی نو څنګه به وي <br /><br />ګل مې شي هیر ، ته مې په زړه کې شی تازه ګلابه <br /><br />زما په اند داسی به لږ روان راشي دا زمانظر دی خدای وکړي چی خوا دې ورباندې به نه شي.<br /><br />مننه

ځلاند 03.11.2010 07:41

کیوال خـټک صیب سلامونه خوښ شوم چې یاد دې کړم زه مو هم یادوم او خواږه ملګري کله له چا هیریږي ، بیا مونږ خو سره ډیروخت په یوې سیمه تیر کړی دی چې کله هم یواځې شم نو ستاپه شان ټول ملګري مې په حافظه کې څرخي خدای دې وکړي چې ته خوشاله ژوند ولرې خو که کله دې وخت پیدا کړ یو ایمیل راته وکړه زه به دې په تمه یم <br />ttaa_zaland@yahoo.com

کلیوال خټک 03.11.2010 06:01

سلامونه یه يادوم دې<br /> کليوال خټک

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.

web log statistics