Atrang

نو ی غزل / طایرځلاند

24.10.2010 11:12

غزل

طایرځلاند

کاینات واړه ،یاره ستا په انتساب ښکلی شي
تاته چې دریې کړم نو هله ګل ګلاب ښکلی شي

چې دلونګو خوشبو نه لري . وي تور په لوګو
نو دغه ښار به اشنا بیا په کوم حساب ښکلی شی

خدای شته دتا دسترګو نور وي معجزه ، که بل څه
کله ناکله رقیب هم لکه ثواب ښکلی شي

چې دلمرونو سره ساتي تړون ژوند اومومي
ګنې تور کاڼی وي خو لمر باندې مهتاب ښکلی شي

طایره هسې یو کنډر وي بې ارمانه چې وي
دزړه کورګی ستا دتصویر په انتخاب ښکلی شي


ستاسو تبصره


لطفاً لاندې افغانستان په انګليسي تورو وليکئ.

web log statistics