Atrang

پلاره ما له یو بینمار سره شاګرد کړه/طایرځلاند

17.12.2010 08:24

پلاره ما له یو بینمار سره شاګرد کړه

ما ل خلکو اوریدلی

چې ماران او ښاماران ټول                       

دبین غږ ته راټولیږي

دبین غږ چې کله واوري

نوګډيږي او مستيږي

اوخپل ځان ترېنه هيریږي

پلاره ما له یو بینمارسره شاګرد کړه

ته خو ګورې

چې زمونږ ښار ځنګل شوی

کلی کلی بدشوی

چمنونه  اغزي شوي

اوګلونه پردي شوي

له دې سيمې ځنې تللي

ځکه

ته په خپله ګورې

له دې ښار نه جوړ ځنګل دی

اوس بدل دی

اوخواره په کې ماران دي

له چڼچڼو نه بچي خوري

ده پکار ورځنې ويره

لیوني دي

سم سړي خوري

پلاره ما له یو بینمار سره شاګرد کړه

چې استاد شم

نو ددې ځنګل ماران به

دغه غټ غټ ښاماران به

ټول یو ځای لره راټول کړم

د اودې لاندې به راشي

دبين غږ به یې نشه کړي

له مستۍ نه به ګډ يږي

اوله زهرو ډک غا ښونه

د دوي ژامو  نه به  لويږي

اودزهرو پوکڼۍ به

بیرته وچې يې  شي خولو کې

داماران او ښاماران به

په انسان بیرته بدل شي

جوړبه ښا ر بیا له څنګل شي

شفق 18.12.2010 14:00

ځلاند صاحب الله دې جوړ لره!<br />يوه ورځ مې يوه تلويزوني خپرونه ليدله، په هغه خپرونه کې يو څوک وه، چې زاړه له خټو جوړ لوخي يې په کور کې راټول کړي وو، هماغه لوخي يې پاک کړي وو، بیا يې نو په هماغه لوخو باندې دومره خواري کړې وه، دومره په هنر يې هغه بيرته ښکلي کړي وو، چې زاړه نه ښکاريدل...<br />زه خو وایم چې که يو څوک زړې خبرې نوې کولی شي، دا هم هنر دی<br />خدای دې تل ښه راته لره<br />مننه<br />شفق

لونګین 17.12.2010 11:52

ګران او قدرمنه وروره سلامونه مې ومنه !<br />له سلامونو راوروسته دومره وایم چې ستا هم مخکني شعرونه لکه دکاروان دلومړنیوشعرونو غوندې ښه وو مګر خفه نه شې فکر کوم چې ستا شاعري هم لکه چې دفتري بوختیاوو وخوړه په دې هرڅوک پوهېږي چې په ښارونو کې څه حال دی ماشومان هم پوهیږي چې ښارونه بې ثباته دي ښارونه دفسادجرړې جوړې شوې ښارونه خلک خوري مخکې به غرونو خلک خواړه حالات بلکل بدل شوې دي له داسې برسیرنې شاعرۍ نه تېر شه تلپاتي موضوعاتو ته توجه وکړه چې شعر دهېڅ وخت مړ نه شي اوتا هم ژوندی وساتي <br />ورور دې<br />لونګین

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.

web log statistics